Kryeministri Albin Kurti e ka kaluar pjesën e fundit të javës jashtë vendit. Ai qëndroi në Malaga të Spanjës dhe në Paris ku diskutoi për paqe dhe takoi diplomatin amerikan që e ka në agjendë Kosovën James C. O’Brien. Nuk dihet kur përfundon qëndrimi i Kryeministrit në Francë ku shkoi me me ftesë të Presidentit Emmanuel Macron.
Kurti ishte folës në Forumin e Paqes në Paris. Gjatë fjalimit ai foli për zhvillimet e fundit në Kosovë, raportet me Serbinë dhe për rolin e liderit në politikë ku tha se një lider i korruptuar cenon edhe sigurinë kombëtare.
“Kur keni një udhëheqës të korruptuar… ju keni një cenueshmëri të caktuar në sigurinë kombëtare. Kështu që ne duhet të shohim rrezikun e korrupsionit edhe në aspektin e sigurisë kombëtare jo vetëm në aspektin e shkeljes ligjore dhe dëmtimit të ekonomisë”, është shprehur kryeministri.
Të premten mbrëma, kryeministri Albin Kurti ditë u prit në Pallatin Elysee nga presindeti francez Emmanuel Macron. Në këtë takim ai ishte i shioqëruar me bashkëshorten e tij, Rita Knudsen.
“Një kënaqësi për t’u pritur sonte në Pallatin Élysée nga Presidenti francez @EmmanuelMacron dhe Zonja e Parë Brigitte Macron përpara hapjes së edicionit të 6-të të Forumit të Paqes në Paris”, shkroi Kurti në platformën “X”.
Po në Frëncë, Kurti u takua edhe me Kryetarin e Presidencës së Bosnjë dhe Hercvegovinës Željko Komshiq dhe anëtarit të Presidencës, Denis Bećirović.
“Faleminderit Kryetarit të Presidencës së Bosnjë-Hercegovinës, Željko Komshiq dhe anëtarit të Presidencës, Denis Bećirović, për një takim produktiv. Diskutuam rëndësinë e zbatimit të plotë të agrmts-ve të Procesit të Berlinit — veçmas për lëvizjen e lirë me karta identiteti si dhe eksploruam d bashkëpunimin e mëtejshëm”, njoftoi Kurti për takimin.
Gjatë qëndirmit në Francë, Kurti ka a takuar ekonomistin e njohur Thomas Piketty, me të cilin thotë se ka diskutuar për Kosovën e ngjarjet e ndryshme botërore.
“Kënaqësi takimi me ekonomistin dhe profesorin e shquar francez Thomas Piketty, në zyrën e tij në Paris sot. Ne diskutuam për Kosovën, ngjarjet botërore dhe rreziqet që e djathta ekstreme paraqet për barazinë demokratike dhe prosperitetin ekonomik”, njofton kryeministri.
Po ashtu, Kurti njofton se ka takuar edhe anëtarët e shkollës normale.
“Një kënaqësi e madhe për t’u përfshirë në biseda të thella gjatë drekës me anëtarët e njohur të shkollës normale “École Normale Supérieure”, e cila ka qenë shtëpia e dhe që ka mprehur talentin e figurave të panumërta të njohura. Shumë faleminderit drejtorit Frédéric Ëorms dhe arkeologut Christophe Goddard për organizimin”, informoi kryeministri.
Kryeministri i Kosovës, Albin Kurti, ka shkuar në Malaga të Spanjës një ditë pasi është pritur në Pallatin Elysse nga Presidenti i Francës Emmanuel Macron. Sipas një njoftimi të Vetëvendosjes Kurti ka shkuar atje , në Kongresin e Partisë së Socialistëve Evropianë (PES) ku subjekti që drejton ai është bërë anëtar i kësaj partie.
Kreu i VV-së aty ka mbajtur edhe një një fjalim ndërsa Vetëvendosje thotë se “anëtarësim erdhi si rezultat i punës së bërë ndër vite, konsistencës në parimet socialdemokrate si organizatë dhe me shembull të udhëheqjes socialdemokrate në qeverisje”./Gazeta Express/