OpenAI ka publikuar vlerësime të reja për numrin e përdoruesve të ChatGPT që shfaqin shenja të mundshme të emergjencave të shëndetit mendor, duke përfshirë maninë, psikozën ose mendimet vetëvrasëse, ka raportuar BBC.
Kompania tha se rreth 0.07% e përdoruesve aktivë të ChatGPT në një javë të caktuar shfaqën shenja të tilla, duke shtuar se chatbot-i i saj i inteligjencës artificiale (IA) i njeh dhe u përgjigjet këtyre bisedave të ndjeshme.
Ndërsa OpenAI pohon se këto raste janë “jashtëzakonisht të rralla”, kritikët thanë se edhe një përqindje e vogël mund të arrijë në qindra mijëra njerëz, pasi ChatGPT kohët e fundit arriti në 800 milionë përdorues aktivë javorë, sipas shefit Sam Altman. Ndërsa shqyrtimi rritet, kompania tha se ndërtoi një rrjet ekspertësh në të gjithë botën për ta këshilluar atë./Express