Ambasadori i Departamentit Amerikan të Shtetit, Derek Chollet, ka folur rreth anëtarësimit të Suedisë në NATO, pas bisedës me Këshilltarin e Sigurisë Kombëtare në Suedi, Henrik Landerholm.
Chollet tha se anëtarësimi i Suedisë do ta forcojë partneritetin transatlantik.
“Mezi presim të mirëpresim Suedinë në NATO sa më shpejt të jetë e mundur.”, ka shkruar Chollet në Twitter.
“Demokracia e fortë, aftësitë ushtarake dhe përkushtimi i Suedisë për të mbështetur angazhimet që mbështesin Aleancën tonë do të forcojnë partneritetin tonë transatlantik.”, shkroi tutje ambasadori Chollet.
Suedia ka aplikuar në të njëjtën kohë me Finlandën për anëtarësim në NATO mirëpo Turqia është duke e bllokuar Suedinë me arsyetimin se është duke mbështetur “terroristët”.
Ndërsa Finlanda është bërë anëtarja më e re e aleancës muajin e kaluar duke u bërë anëtarja e 31-të të aleancës veri-atlantike.
Postimi i plotë: