Vlora Çitaku, nënkryetare e Partisë Demokratike të Kosovës, ka kritikuar qeverinë e udhëhequr nga Vetëvendosja, për investimet kapitale duke thënë se, shumica e investimeve kapitale për buxhetin e planifikuar të qeverisë janë për projekte të moçme, të qeverive paraprake.
Çitaku ka thënë edhe se projektet e reja, gjysma e parave janë ndarë për ato pak komuna ku sundon Vetëvendosja
Postimi i plotë:
Shumica e investimeve kapitale për buxhetin e planifikuar të kesaj qeverie janë për projekte të moçme, të qeverive paraprake.
Ndërsa te projektet e reja, gjysma e parave janë ndarë për ato pak komuna ku sundon Vetëvendosja.
Sipas raporteve kredibile, janë mu keto pak komuna ku transparenca dhe ekzekutimi i projekteve kapitale është më e ulta. Pra paratë e taksapaguesve po ndahen në baza partizane.
Këto janë fakte. Numra. Raporte. Çdo gjë tjetër është propagandë, e vetmja fushë ku qeveria po shkëlqen. /Telenews/