ÇMIMI I NAFTËS ARRIN NË 1.75 EURO, QYTETARËT ANKOHEN E NAFTËTARËT HESHTIN

05/06/2022

Ngritja e çmimit të derivateve të naftës s’ka të ndalur. Gjatë së premtes, ky çmim ka arritur deri në 1 euro e 75 cent. Qytetarët thonë se këto çmime po bëhen të papërballueshme. Derisa, ata bëjnë thirrje që të kontrollohet cilësia dhe çmimi nëpër kompanitë vendëse, Shoqata e Naftëtarëve të Kosovës ka zgjedhur heshtjen

Të premten, çmimi i një litri naftë në kryeqytet ka arritur në 1 euro e 75 cent.
Ky çmim, po vazhdon të lëvizë çdo ditë në pompat e derivateve nëpër Kosovë.
E këto lëvizje të çmimeve po ua rëndojnë gjendjen financiare shoferëve që janë vazhdimisht në lëvizje me automjetet e tyre.
Telenews.al ka kërkuar përgjigje për këtë rritje alarmante nga Shoqata e Naftëtarëve të Kosovës, mirëpo të njëjtit nuk kanë qenë të qasshëm gjatë gjithë ditës.