Kanë dalë imazhet e para që shfaqin ish-Sekretaren e Shtetit të SHBA-së, Hillary Clinton, duke dëshmuar nën betim në lidhje me çështjen e Jeffrey Epstein.
Fotografia u publikua fillimisht nga komentatori politik konservator Benny Johnson.
Në imazh, Clinton shihet e ulur në një tavolinë, e veshur me një kostum blu, e rrethuar nga disa persona të tjerë.
Mësohet se Clinton në deklaratën e saj hapëse ka kritikuar Komitetin Mbikëqyrës të Dhomës së Përfaqësuesve, duke pretenduar se ajo po përdorej për të devijuar vëmendjen nga çështje të tjera politike, përfshirë lidhjet e pretenduara të Presidentit Donald Trump me dosjet Epstein.