Kombëtarja e Kosovës ka vazhduar përgatitjet për ciklin e ri kualifikues për Kupën e Botës 2026, ku më 5 shtator do të përballet me Zvicrën në Basel dhe më 8 shtator me Suedinë në stadiumin “Fadil Vokrri”.
Seanca e dytë stërvitore u zhvillua sot në Kampin Nacional të FFK-së në Hajvali, me pjesëmarrjen e të gjithë futbollistëve të ftuar nga përzgjedhësi Franco Foda.
Për shkak të udhëtimit dhe mbërritjes së vonshme në grumbullim, Fidan Aliti dhe Ron Raqi zhvilluan vetëm një pjesë të stërvitjes me program të diferencuar.
Trajneri Foda u përqendrua kryesisht në aspektet taktike, duke punuar me ekipin në mënyrën e lojës që synon ta aplikojë në sfidën e parë kundër Zvicrës.