Ministri i Mbrojtjes i Shqipërisë, Niko Peleshi u shpreh sot Task Forca Jug është e plotësuar edhe me ushtarakët amerikanë që i bashkohen trupave nga Shqipëria, Kosova dhe Maqedonia e Veriut.
“Ata janë këtu për të marrë pjesë në trajnimet stërvitore #Defender23, duke ndihmuar që forcat amerikane dhe partnerët të jenë të trajnuar, të aftë për të vepruar së bashku dhe të gatshëm për t’iu përgjigjur çdo kërcënimi.”, shkroi Peleshi në Facebook, duke shtuar se prezenca e Forcës së Sigurisë së Kosovës, e bën këtë strukturë edhe më të veçantë.
“Kjo stërvitje dita-ditës, po merr trajtën e një suksesi të madh.”, shtoi ai, me ç’rast publikoi edhe disa fotografi.
Ndërkohë, qytetarët e Kosovës nesër (e diel) do të mund të shohin nga afër një pjesë të njësive, pajisjeve dhe automjeteve të ushtrisë së vendit. Për herë të parë në Kosovë po organizohet dita promovuese e ushtrimit më të madh ushtarak ndërkombëtar “Defender Europe 23”.
Pjesë e “Defender Europe 23” janë 25 vende të NATO-s me mbi 22 mijë trupa ushtarakë.