Kryetari i Kuvendit të Serbisë, Vladimir Orliq, ka thënë se të enjten në Beograd do të mbahet një seancë parlamentare, ku do të marrë pjesë edhe presidenti sreb, Aleksandar Vuçiq, ndërsa deputetët do të njoftohen për ecurinë e dialogut me Kosovën.
Orliq ka folur për një raport për ecurinë e procesit të negociatave, të cilin tha se e ka dorëzuar Qeveria e Serbisë, raportojnë mediat serbe.
“Ky rapot u është dorëzuar të gjithë deputetëve që të mos thonë se nuk kanë material për seancën e Kuvendit të së enjtes, e cila u paralajmërua shtatë ditë më parë”, tha ai.
“Do të ishte mirë që ata të tregojnë se e kuptojnë seriozitetin e momentit në të cilin ndodhet vendi dhe se sillen me përgjegjësi në atë seancë, ta mbështesin raportin dhe të dërgojnë një mesazh që kuptohet nga të gjithë, si në Prishtinë ashtu edhe në botë”, tha. Orliq.