Deputeti i Partisë Demokratike të Kosovës, Bekim Haxhiu i është drejtuar Kuvendit të Kosovës me kërkesë urgjente për tërheqjen e parave nga Trusit.
Haxhiu gjatë fjalës së tij në kuvend ka kërkuar që të trajtohet me urgjencë tërheqja e parave nga Trusti, për shkak të krizës ekonomike.
Sipas tij, PDK-ja këtë kërkesë vetëm e ka përcjellë në Kuvend e Qeveri.
“Ka qenë kërkesë e qytetareve që të mundësohet tërheqja e mjeteve te Trustit. Ne si parti politike me datë 9 mars e kemi proceduar në Kuvend dhe pastaj me 21 mars është përcjellë për vendim në Qeveri. Për fat të keq Qeveria e ka neglizhuar këtë kërkesë të qytetarëve, por I ka hapur rrugë Kuvendit të Kosovës për të vendosur për këtë Ligj”, ka thënë ai.