Telenews

‘Dhëndri i Kosovës’ rrezikon dënimin e rëndë, UEFA nis hetime ndaj Demiralit për këtë gjest

Merih Demiral ka festuar golin e tij vendimtar ndaj Austrisë me një gjest kontrovers, duke bërë me duar shenjën e ‘ujkut gri’.

Tani UEFA ka filluar një hetim kundër qendërmbrojtësit turk, i cili është edhe dhëndër i Kosovës. Ai është i martuar me modelen nga Vushtrria, Heidi Lushtaku.

Të mërkurën në mëngjes, shtëpia evropiane e futbollit konfirmoi se e gjithë kjo ishte kthyer në një rast disiplinor për “sjellje të supozuara të papërshtatshme”, shkruan UEFA.

Gjesti në fjalë ishte Demirali duke shtrënguar gishtin e madh, gishtin e mesit dhe gishtin tregues së bashku – që lidhet me organizatën e ekstremit të djathtë ‘Ujqërit Gri’.

Kjo shenjë, e cila identifikohet me lëvizjen politike të ekstremit të djathtë turk ‘Ujqërit Gri’,  është e ndaluar në Francë dhe në Austri.

Nga ana tjetër, Merih Demiral për festën e golit pas ndeshjes tha: “E kam parë në tribunë, edhe plotë të tjerë e kanë bërë. Të gjithë turqit. Jam krenar që jam turk, këtë e them çdo herë, prandaj e kam bërë kështu festimin e golit. Pa mesazh, thjesht doja të tregoja se sa krenar dhe i lumtur jam”.

Në mediat gjermane është raportuar për një “skandal”. Gazeta gjermane, ‘Bild’ ka shkruar në titull: “Përshëndetja e Ujkut Fashist”.

UEFA nisi një hetim kundër Merih Demiral, i cili bëri shenjën e ujkut gri gjatë ndeshjes kundër Austrisë.

 

Të ngajshme

Dhurata Dora, këngëtarja e vetme shqiptare, që performon në mesin 200 yjeve botërore në Rumani

Erzana Fazliu

Inspektorati në aksion – punëtorët e ndërtimtarisë dhe gratë shtatzëna duke punuar përkundër vendimit të MSH-së

Erzana Fazliu

Akademiku serb: Kosova de facto u pavarësua 25 vjet më parë – jam pro Kosovës në OKB

Erzana Fazliu