Një zjarr ka shpërthyer në Brezovicë, ku si pasojë e saj është kapluar një vilë dhe një objekt banimi.
Lajmin e ka konfirmuar zëdhënësi i Policisë së Kosovës në rajonin e Ferizajt, Kanun Veseli.
Ai ka thënë se nuk raportohet për lëndime në njerëz.
“Sot rreth orës 15:11 kemi pranuar një informatë se në zonën e Brezovicës ka shpërthyer një zjarr, i cili ka përfshirë një vilë dhe një objekt banimi. Lidhur me zjarrin, është njoftuar Njësia e Zjarrfikësve, ndërsa një patrullë policore ka dalë menjëherë në vendin e ngjarjes. Nuk raportohet për lëndime në njerëz”, ka thënë Veseli.
Ditëve të fundit, në Kosovë ka pas shumë vatra zjarresh të cilat janë zgjeruar dhe kanë dëmtuar natyrën.
Zjarrfikësit dhe Policia po luftojnë me to për t’i ndaluar.