Telenews

Distria Krasniqi, kampione e Evropës në xhudo

Xhudistja kosovare nga Peja, Distria Krasniqi, sot e ka fituar medaljen e artë në Kampionatin Evropian që po mbahet në Zagreb të Kroacisë.

Krasniqi ka luftuar në kategorinë deri në 52 kilogramë, duke ia dalë që të mposhtë kundërshtarën e saj të vjetër.

Xhudistja pejane ishte e lirë në raundin e parë, në raundin e dytë mposhti me ‘ippon’ xhudisten nga Ukraina, Anna Borodina, ndërsa në çerekfinale ishte e pamëshirshëm duke mposhtur bindshëm kroaten Ana Viktorija Puljiz.

Megjithatë, xhudistja nga Peja nuk u ndal me kaq, pasi ishte e fortë edhe në gjysmëfinale, duke mposhtur rivalen e saj nga Spanja, Ariane Toro Soler.

Pas kësaj fitore, xhudistja 28-vjeçare kaloi në finale dhe siguroi medaljen e artë në Kampionatit Evropian për senior, duke triumfuar në “Golden Score”. /Telegrafi

 

source

Të ngajshme

Arrihet marrëveshja, Kompany trajner i ri i Bayernit

Besëlidhja kampione e Shqipërisë në basketboll

Donat Hashani

Kuç dhe Thaqi përshëndeten me gola me Ballkanin, kampioni e mbyll me fitore ndaj Prishtinës

Donat Hashani