Brooklyn Beckham ka zbuluar se tatuazhi në nderim të nënës së tij, Victoria, tashmë është pothuajse i zhdukur, ndërsa në rrjetet sociale ka treguar versionin e përditësuar të tatuazhit me motive lulesh.
27-vjeçari, i cili është përfshirë në një përçarje të ashpër me familjen e tij të famshme, kishte të shkruar “mama’s boy” (“djali i mamit”) në pjesën e majtë të gjoksit që prej vitit 2018.
Brooklyn filloi ta mbulonte tatuazhin verën e kaluar dhe tregoi rezultatet në një fotosesion për revistën Glamour, por nuk u ndal me kaq.
Të mërkurën, ai publikoi një foto të re pa bluzë, ku tregoi se e kishte përditësuar tatuazhin. Disenji besohet se është frymëzuar nga një vizatim i buqetës së luleve të nusërisë së bashkëshortes së tij, të cilën ajo e kishte në dasmën e tyre në vitin 2022.
Brooklyn ka mbuluar gjithashtu edhe tatuazhe të tjera që lidhen me familjen, mes përplasjes së bujshme familjare.
