Dua Lipa falënderon Presidenten për pritjen dhe titullin e nderit

Ajo ka përsëritur se rinia e Kosovës e meriton liberalizimin e vizave.

“Dje pasdite u nderova me titullin Ambasadore e Nderit e Republikës së Kosovës nga Presidentja jonë Vjosa Osmani. Është nder dhe privilegj që jam në gjendje ta prezantoj vendin tim para gjithë botës dhe të vazhdoj me punën time për të ndikuar globalisht që të shohim se ne lëmë gjurmët tona dhe bëjmë dallimin. Rinia e Kosovës e meriton t’i liberalizohen vizat për të lëvizur lirshëm dhe të ëndërrojë shumë. Faleminderit”, ka shkruar Lipa.