Manchester United dhe Chelsea kanë bërë ofertë prej 80 milionë eurosh për mesfushorin e Barcelonës, Fermin Lopez, këtë verë, sipas një raporti të ri.
Sipas gazetës Sport, të dy klubet kanë depozituar oferta të mëdha për Ferminin në fund të muajit korrik.
Megjithatë, në Barcelonë ka pasur mosmarrëveshje në bord në lidhje me shitjen ose jo të yllit spanjoll.
Disa anëtarë të bordit mendonin se shitja do të ndihmonte në financimin e regjistrimit të lojtarëve të rinj, ndërsa trajneri Hansi Flick dëshironte që ai të mbetej në skuadër.
Raporti pretendon se negociatat zgjatën më shumë se një javë, me Manchester United dhe Chelsea që u përpoqën ta marrin Ferminin.
Thuhet se Flick ka ndërhyrë personalisht për të siguruar që mesfushori sulmues të qëndrojë në “Camp Nou”.
Fermin Lopez ka zhvilluar gjithsej 89 paraqitje për Barcelonën, duke shënuar 19 gola dhe dhuruar 11 asistime. Ai ka luajtur edhe dy ndeshje për kombëtaren e Spanjës./Telegrafi/