Një grua dyshohet se është dhunuar seksualisht të dielën në Kaçanik. Rasti është denoncuar në Policinë e Kosovës të dielën rreth orës 15:00.
Një burrë është arrestuar për rastin, tha Policia e Kosovës.
“Është arrestuar i dyshuari mashkull kosovar, nën dyshimin se ka detyruar viktimën femër kosovare pa dashje të kryej mardhënje seksuale”, tha Policia në raportin 24-orësh.
Viktima është dërguar për ekzaminim në Institutin e Mjekësisë Ligjore.
I dyshuari, me urdhër të prokurorit, është dërguar në mbajtje.