Lionel Messi përfundimisht do të largohet nga Paris Saint-Germain në fund të sezonit.
Lajmin e ka bërë të ditur gazetari italian, Fabrizio Romano.
Sipas tij, tashmë nuk ka më dyshime për këtë, pasi kuptohet se në prapaskenë babai i Leos, Jorge, ia ka komunikuar vendimin PSG-së tashmë një muaj më parë për shkak të projektit.
Kjo mësohet se ishte pika e fundit e thyerjes së raporteve mes dy palëve.
Ndërkohë, Barcelona tash e disa kohë është në negociata me Federatën Spanjolle për të gjetur një zgjidhje rreth mundësisë së rikthimit të Leo Messit në Spanjë, pa thyer rregullat e FairPlay-t financiar.
Diçka e tillë ende nuk është arritur, megjithatë klubi blaugranas mbetet optimist për një marrëveshje në vazhdim.