Xheneta Fetahu ka rikthyer vëmendjen mbi veten e saj me rikthimin në shtëpinë e Big Brother VIP Kosova (BBVK). Ish-banorja ka sjellë dinamika të reja dhe duket se nuk ka kursyer ndjenjat e saj gjatë qëndrimit të ri brenda shtëpisë.
Gjatë diskutimeve me banorët, Xheneta ka hapur zemrën për relacionin e saj me Gjestin, edhe pse nuk ka përmendur emrin e tij drejtpërdrejt. Megjithatë, mes fjalëve të saj, u kuptua qartë se po fliste për të, duke rikthyer kureshtjen dhe komentet brenda komunitetit të BBVK-së.
“Me e thënë realitetin, mundem me thënë 100 për qind ndoshta kam pasur lloj ndjenja për të pa vetëdijen time, që e kam kuptu kur kam dalë jashtë… e kam kuptu në mënyrën, sjelljen që ai e ka bërë brenda… e kam kuptuar kur mua më dhembi kur e kam parë me dikë tjetër. Aty e kam vërejtur që ka diçka që mua ma ndjen”, ka thënë Xheneta.