Edhe pas deklarimeve të presidentit të Serbisë, Aleksandër Vuçiq, se janë përmbushur kërkesat e serbëve të Kosovës, barrikadat që bllokojnë rrugët në veri ende nuk i ka lëvizur askush.
Kështu ka bërë të ditur gazetarja Arbresha Uka në një lidhje direkte në Edicionin Special në Klan Kosova.
Nga fshati Rudarë i Zveçanit, ajo ka treguar se barrikadat ende bllokojnë rrugët në veri të vendit.
“Gjendja nuk ka ndryshuar asgjë, nuk ka asnjë lëvizje të vetme. Nuk ka as qarkullim të serbëve lokalë. Është dita e 19-të që rrugët e komunës veriore janë barrikaduar”.