Një person është arrestuar nga Policia e Kosovës nën dyshimin për vrasjen dhe groposjen e Enver Bajraktarit në fshatin Baicë të Lipjanit.
Ekskluzivisht, Telenews.al ka siguruar fotografitë e të dyshuarit, i identifikuar si Top Kolshi, nga fshati Baicë. Ky i fundit e ka pranuar se e ka vrarë Enver Bajraktarin, sipas Prokurorisë Themelore në Prishtinë.
T.K., gjatë dhënies së deklaratës, ka pranuar veprimet e tij dhe kryerjen e veprës penale. I dyshuari u arrestua të martën në mëngjes.
Policia kishte raportuar se më 4 gusht ishte gjetur një trup i pajetë i groposur në një arë të këtij fshati. Më vonë u konfirmua se viktima ishte Enver Bajraktari.
I dyshuari është ndaluar me vendim të prokurorit të shtetit dhe ndaj tij po zhvillohen procedurat ligjore.