Eksperti i sigurisë, Agim Musliu para pak minutave ka dalur me një shkrim interesant ku tregon për mënyrën se si po përdoret nga Serbia, video e sotme që tronditi Kosovën.
Në videon që qarkulloi sot nga pasditja nëpër mediat kosovare, ku shihej një grua e moshar teksa keqtrajtohej nga disa infermiere në një qendër për të moshuar, Musliu thotë se nga Serbia menjëherë ka filluar të përdoret politikisht, transmeton Telenews.al
Sipas Musliut, lufta hibride serbo-ruse ndaj Kosovës e ka rritur intensitetin dhe pas kërcënimeve me praninë e ushtrisë serbe afër territorit me Kosovën, tash po manipulohet edhe në formë elektronike.
Musliu thotë se video e sotme që tronditi Kosovën nga Serbia, po proklamohet atje si dhunë ndaj një të moshuare serbe nga disa infermiere kosovare e që sigurisht është ”fake news”, apo lajm i pavërtetë por njerëzit atje po lajthiten nga kjo informatë tërësisht e pavërtetë dhe me qëllime dashakeqe.
Tutje shkrimi i Musliut vijon, se ky rast është nga shembujt më të freskët të makinerisë apo luftës speciale që po e bën Beogradi zyrtar ndaj Kosovës, madje me lejen e presidentit famëkeq të Serbisë, Aleksandër Vuçiq e më e rëndë, sipas tij bëhet për faktin se kjo video në Serbi po shpërndahet masivisht dhe opinioni po manipulohet me të.
Shkrimi i plotë i Agim Musliut:
/Telenews.al/