Tre persona të akuzuar si pjesëtarë të një organizate kriminale pritet të ekstradohen sot, më 19 qershor, nga Dubai drejt Shqipërisë, në kuadër të një operacioni të Policisë së Shtetit.
Sipas autoriteteve shqiptare, njëri nga të ekstraduarit, A. Xh., dyshohet se ka ndihmuar një shtetas të shumëkërkuar, duke vepruar në kuadër të grupit të strukturuar kriminal.
Ndërkohë, i dyshuari tjetër, E. D., akuzohet për përkrahje të një personi të shpallur në kërkim dhe për përfshirje në planifikim vrasjesh si pjesë e organizatës kriminale.
Personi i tretë, M. K., sipas Policisë së Shtetit, dyshohet për përfshirje në vrasje, sigurim të mjeteve për kryerjen e tyre dhe për përkrahje të një tjetër shtetasi të shumëkërkuar.