Presidenti turk vjen nesër në Tiranë për inaugurimin e xhamisë së Namazgjasë. Imami i xhamisë do të jetë myftiu i Tiranës, Gazmend Teqja, ndërsa për menaxhimin e xhamisë të ndërtuar si një kompleks multifunksional, do të ngrihet një fondacion, që edhe ky do të drejtohet nga imami Teqja.
Policia e shtetit shqiptar ka marrë një sërë masash për të siguruar mbarëvajtjen e vizitës së Presidentit të Turqisë, z. Recep Tayyip Erdoğan, sot në Tiranë.
Në këtë kuadër, Policia e Shtetit shqiptar ka njoftuar qytetarët atje se do të ketë bllokime të disa segmenteve rrugore, si dhe bllokime të pjesshme të disa segmenteve të tjera, në varësi të takimeve dhe aktiviteteve që do të zhvillohen gjatë vizitës, në Tiranë.
Drejtuesit e automjeteve të shfrytëzojnë autostradën e re Kashar – Rinas, për të qarkulluar në drejtim të aeroportit të Rinasit, pasi aksi i vjetër Kashar – Rinas nga ora 10:00 deri në 11:30, si dhe nga ora 17:00, deri në orën 18:00, të datës, 10.10.2024, do të jetë i bllokuar.
Rrugë të tjera që do të bllokohen janë:
Nga Rinasi – Qafa e Kasharit – Mbikalimi tek Casa Italia – nënkalimi te ish-sheshi “Shqiponja”, Unazë (Astir) – Rrethrrotullimi i Saukut, Rruga e Elbasanit.
Bulevardi “Dëshmorët e Kombit”, nga Ura te ish Hotel Dajtit deri te sheshi “Nënë Tereza”, rruga “Ismail Qemali”, rruga “Papa Gjon Pali II”, rruga “Ibrahim Rugova” rruga “Ukraina e Lirë”, bulevardi “Zhan D’Ark” dhe rruga “Xhorxh Bush”.
Policia e Shtetit kërkon mirëkuptimin e qytetarëve për masat që ka ndërrmarrë dhe do të zbatojë gjatë vizitës së z. Recep Tayyip Erdoğan.