Telenews

“Është kapur duke marrë lekë”, si e paralajmëroi Rama arrestimin e Sekretares së Ministrisë së Shëndetësisë

Policia e Shtetit me urdhër të Prokurorisë së Posaçme Anti-Korrupsion, ka vënë në pranga një zyrtare të Ministrisë së Shëndetësisë.

Bëhet fjalë për shtetaset Joana Duro, me detyrë Sekretare në Mininistrinë e Shëndetësisë dhe një punonjëse tjetër, të identifikuar si Laura Shteto. Sipas informacioneve, mësohet se ajo akuzohet për korrupsion dhe për rrushfet 4 milionë lekë.

Por për këtë aksion të SPAK-ut kryeministri Edi Rama ishte vënë në dijeni dhe e paralajmëroi atë para se të bëhej publike.

Pasi në takimin në kuadër të turin e falënderimit që mbajti sot pasdite në Tiranë, Rama tha se një ish-sekretare e përgjithshme është kapur në flagrancë duke marrë lekë. Rama iu drejtua me ish, duke lënë të kuptojë se ka firmosur dhe shkarkimin e saj.

“Para pak orësh dëgjova për një situatë që realisht të vë në siklet të jashtëzakonshëm. Një ish-sekretare e Përgjithshme kapet në flagrancë duke marrë lekë. Si mund të ndodhë kjo? Natyrisht që ana e, si të thuash, ana e pëlqyeshme e kësaj medalje është që kapet një person i cili është i padenjë për të qëndruar në një zyrë shteti dhe unë uroj që të ketë sa më shumë të tilla por ama nuk mund të uroj që sa më shumë të tillë njerëz të bëjnë gjëra të tilla sepse është realisht diçka e rëndë. Mungesa e sensit të patriotizmit, mungesa e sensit të detyrës, mungesa e sensit të etikës në pikën që në një detyrë të rëndësishme të biesh në këtë lloj niveli është realisht e tmerrshme.”, deklaroi kryeministri Edi Rama./Gazeta Express

Të ngajshme

Nesër dhe pasnesër priten vranësira, riga shiu dhe shkarkime rrufesh

Erzana Fazliu

Në prag të përsëritjes së tragjedisë në Shkodër, 27-vjeçarja tenton të hidhet në lumin Buna me 4 fëmijët

Erzana Fazliu

NATO thotë se 500 mijë trupa të saj po qëndrojnë vigjilentë në tokë, ajër dhe det për sigurimin e mbrojtjes kolektive

Erzana Fazliu