Federata e Karatesë e Kosovës ka njoftuar se i është rikthyer Licenca nga Ministria e Kulturës, Rini dhe Sport.
Kështu ka bërë të ditur FKK, përmes një postimi në rrjetin social “Facebook”.
“Federata e Karatesë e Kosovës falenderon Ministrinë e MKRS-së z. Hajrulla Ceku për mbështetjen e dhënë gjatë këtijë procesi të vështirë. Shpresojmë të hasim në mbështetje financiare nga Ministria për Kulturë dhe Sport për lehtësimin e nevojave të sportistëve dhe klubeve. Ftojmë të gjitha klubet që të jenë pjesë aktive e këtij rrugëtimi dhe të kontribuojnë në zhvillimin dhe promovimin e karatesë”, ka shkruar FKK.