Mesfushori i Kosovës, Edon Zhegrova, e ka fituar çmimin “Fadil Vokrri” nga FFK-ja.
FFK-ja e cilësoi Zhegrovën si “njeriu i momentit”, i cili po shkëlqen me ekipin e tij, Lille si në League 1 po ashtu edhe në Champions League.
Zhegrova ishte protagonist në disa ndeshje këtë sezonë me Lille, por që spikati përballja ndaj Real Madridit në Champions League, të cilën e fitoi ekipi francez.
Ylli kosovar në përballjen me Realin u pat shpallur si “Njeriu i ndeshjes”, duke i lënë pas krahëve yjet botërorë të futbollit nga ekipi madrilen.