Telenews

FIFA nuk ia ndalon Rusisë pjesëmarrjen në Kupën e Botës, por ia ndalon këto tri gjëra të rëndësishme

FIFA ka vendosur të mos e ndalojë ekipin futbollistik të Rusisë nga garat ndërkombëtare, por ka njoftuar një sërë kufizimesh ku përfshihen mos-luajtja e ndeshjeve në territorin e Rusisë, lujtja në një vend nikoqir apo neutral pa praninë e tifozëve, si dhe paraqitjen në çdo garë nën emrin “Unioni i Futbollit të Rusisë”, si dhe pa flamur apo himn.
Njoftimi i organi drejtues të futbollit vjen pas një sërë deklaratash nga federatat kombëtare të futbollit, me Federatë angleze që njoftoi se skuadrat e Anglisë nuk do të luajnë ndeshje kundër Rusisë.
Suedia, Polonia dhe Republika Çeke, të cilat të gjitha u hodhën në short në seksionin e Rusisë për play-offet kualifikuese të Kupës së Botës, po ashtu kanë thënë se nuk do të luanin kundër Rusisë.
“Asnjë kompeticion ndërkombëtar nuk do të luhet në territorin e Rusisë, ku ndeshjet “shtëpi” luhen në territor neutral dhe pa shikues”, thuhet në deklaratë.
“Shoqata anëtare që përfaqëson Rusinë do të marrë pjesë në çdo garë nën emrin “Unioni i Futbollit të Rusisë”.
“Së pari dhe më kryesorja, FIFA dëshiron të përsërisë dënimin e saj për përdorimin e forcës nga Rusia në pushtimin e saj në Ukrainë. Dhuna nuk është kurrë një zgjidhje dhe FIFA shpreh solidaritetin e saj më të thellë për të gjithë njerëzit e prekur nga ajo që po ndodh në Ukrainë. FIFA bën thirrje sërish për rivendosjen urgjente të paqes dhe për fillimin e dialogut konstruktiv menjëherë”, thuhet në deklaratën e organit qeverisës.
“FIFA mbetet në kontakt të ngushtë me Shoqatën e Futbollit të Ukrainës dhe anëtarët e komunitetit të futbollit ukrainas të cilët kanë kërkuar mbështetje për t’u larguar nga vendi për sa kohë që konflikti aktual vazhdon”.

Të ngajshme

Anglia kalon në epërsi

Serbët kërkojnë nga UEFA që Arlind Sadikut ti hiqet akreditimi për ta përcjellur evropianin

Donat Hashani

Deputetja kosovare: Serbia ka mbetur në shovinizmin e kriminelit Millosheviq

Donat Hashani