William Saliba është objektivi kryesor i Real Madrid për merkaton e verës. Pas problemeve të Eder Militaos dhe David Alabës me dëmtimet, Florentino Perez do të investojë fuqishëm për një qendërmbrojtës.
Vlera aktuale e Salibës është 80 deri në 100 mln euro dhe Arsenali nuk e lëshon për kollaj francezin, sepse ai është shtylla e skuadrës.
Gjithsesi, Real Madrid është gati të paguajë shifrën që do të kërkojë klubi londinez. Pavarësisht faktit që Saliba e ka ritheksuar përkushtimin e tij si lojtar i Arsenalit, në Madrid presin që ai të joshet nga ideja për të veshur fanellën e bardhë.