Forca Ajrore izraelite kanë goditur qendrën e komandës së inteligjencës iraniane në Teheran.
Sipas ushtrisë izraelite (IDF), nga sulmi është goditur selia, që i përket Ministria e Inteligjencës së Iranit dhe se kjo seli ndodhej brenda një ndërtese që i përket kompanisë shtetërore të energjisë elektrike të Iranit.
“Goditja ndaj kësaj qendre është pjesë e thellimit të goditjeve ndaj sistemeve kryesore të regjimit dhe kapaciteteve të tij të sigurisë,” shpjegon ushtria.
Ky sulm vjen në kuadër të fushatës së vazhdueshme izraelite (dhe bashkë me SHBA-në në disa raste) kundër infrastrukturës ushtarake dhe të inteligjencës iraniane, ku shpesh janë shënjestruar qendra komandimi, objekte të fshehura brenda zonave civile për të shmangur zbulimin ose për të komplikuar kundërpërgjigjen, si dhe zyrtarë të lartë të inteligjencës.
IDF ka përsëritur se Irani fsheh instalacione kyçe ushtarake dhe të inteligjencës brenda ndërtesave civile për të krijuar “mburojë njerëzore” ose për të penguar sulmet.
Ky incident i ngjan sulmeve të mëparshme në Teheran gjatë marsit 2026, ku janë goditur qendra të ndryshme të IRGC-së, Ministria e Inteligjencës dhe komplekse lidershipi.
Nga ana tjetër, Irani nuk ka dhënë ende detaje zyrtare për dëmet ose viktimat në këtë goditje specifike.
Lufta midis Izraelit dhe Iranit vazhdon me intensitet të lartë, me sulme ajrore të vazhdueshme izraelite në Iran dhe përgjigje me raketa nga Teherani.