Kandidati për kryetar të Fushë Kosovës nga radhët e Lidhjes Demokratike të Kosovës (LDK), Besnik Osmani, ka bërë të ditur se Lëvizja për Bashkëveprim (LPB) i është bashkuar programit të tij qeverisës.
Në takim morën pjesë kryetari i LPB-së, Jeton Emini, dhe kandidati për Kuvendin Komunal, Majlind Sadriu, me të cilët u dakordua një agjendë e përbashkët zhvillimi që fokusohet në përmirësimin e kushteve në lagjet e banuara nga komunitetet rom, ashkali dhe egjiptian.
“Bashkë për një Fushë Kosovë gjithëpërfshirëse dhe zhvillim të barabartë për të gjithë! Me energjinë dhe përkrahjen e pashembullt të qytetarëve, fitorja më 12 tetor është e sigurt,” ka deklaruar Osmani.
Ky bashkim politik shihet si një forcim i madh për kampin e Besnik Osmanit, në prag të zgjedhjeve lokale që do të mbahen më 12 tetor 2025.