Telenews

Furnizoi veturën me derivate duke përdorur 100 euro false, arrestohet i dyshuari në Vushtrri

Policia e Kosovës, stacioni policor në Vushtrri pas hetimeve të zhvilluar kanë arritur të identifikojnë dhe arrestojnë një person të dyshuar për veprën penale “Falsifikim i parasë”.
Arrestimi i të dyshuarit, E.A, 21 vjeçar, shtetas i Kosovës është bërë mbi dyshime të arsyeshme dhe provave të siguruara se me datën 17 mars në Vushtrri në një pompë të derivateve ka furnizuar me derivate veturën e tij duke përdorur një kartëmonedhë prej 100 euro të falsifikuar.
“Lidhur me rastin, hetuesit policorë kanë ndërmarrë veprime të zgjeruara hetimore ku mbi bazën e dyshime dhe provave të siguruara fillimisht është identifikuar vetura të cilën në kohen e kryerjes se veprës penale i dyshuari e kishte përdorur për furnizim me derivate. “, thuhet në njoftimin për media.
Tutje është theksuar se me urdhër të prokurorit të rastit, i dyshuari është liruar në procedurë të rregullt, ndaj tij është iniciuar hetim për veprën penale “falsifikim i parasë”.
Ndryshe ditë më parë lajmi.net ka raportuar lidhur me praninë e madhe të 100 eurove të falsifikuara në vend.
Madje nga Agjencia e Forenzikës në Kosovë kanë konfirmuar se kartëmonedha 100 euro është më e falsifikuara në muajt e fundit në vend./Lajmi.net/

Të ngajshme

Ekskluzive: Florian Miftari zgjedhet Dekan i Fakultetit të Edukimit Fizik dhe Sportit në UP

Donat Hashani

Ndahet nga jeta mësuesi i shquar nga Drenasi, Hamdi Kurti

Donat Hashani

Ndërron jetë nëna e Edmond Lajqit, një ditë pasi djali ia vrau renë

Donat Hashani