Policia e Kosovës ka bërë të ditur se të enjten paradite ka gjetur një person pa shenja jete në Klinë.
Zëdhënësi i Policisë, Fadil Gashi, ka thënë se rasti ka ndodh sot rreth orës 09:00, ndërsa vdekjen e personit e ka konstatuar ekipi mjekësor në vend të ngjarjes.
Pasi Policia e ka bërë shikimin e vendit të ngjarjes, trupi i pajetë është dërguar për obduksion në Institutin e Mjekësisë Ligjore.
Policia është duke vazhduar hetimet për rastin.