Një familje pesë anëtarëshe nga Kosova u përfshi në një aksident të rëndë derisa po ktheheshin në Gjermani.
Pos kësaj familje, u lëndua edhe personi i gjashtë.
Rasti ka ndodhur të mërkurën në zonën e Waldshut-Tingen, pranë kufirit me Zvicrën.
Kjo u konfirmua nga policia gjermane, teksa lidhur me ngjarjen e rëndë raportuan edhe mediat gjermane.
Ndërkaq, sot gazetari i Deutsche Welle-s Bahri Cani, ka dhënë detaje lidhur me gjendjen shëndetësore të familjes.
“Sot nga burime të informuara shumë mirë u informova se një fëmijë është akoma një gjendje më të rëndë, të tjerët janë, siç thuhet, në gjendje stabile. Ata janë duke u trajtuar nga mjekët në Zurich dhe në Gjermani. Në makinë kanë qenë prindërit të moshës rreth 30 vjeç dhe tre fëmijë – një tre vjeç dhe dy bebe”, ka shkruar ai.