Një incident i rëndë ka ndodhur në fshatin Gjonaj të Prizrenit, ku dy persona janë plagosur, njëri me armë zjarri dhe tjetri me mjete të forta.
“Në këtë incident janë të plagosur dy persona, njëri me armë zjarri dhe tjetri me mjete të forta dhe të njëjtit janë dërgua për trajtim shëndetësor për në Spitalin Rajonal të Prizrenit”, ka thënë për Dukagjinin zëdhënësi i policisë rajonale të Prizrenit, Vesel Gashi.
Ngjarja ka ndodhur rreth orës 19:40, teksa sipas konfirmimit personat e dyshuar janë të njohur për Policinë e Kosovës.
Të dyshuarit janë në kërkim, ndërkaq procesi hetues po realizohet në koordinim me prokurorin e Shtetit.