Ambasadori i Serbisë në Uashington, Marko Gjuriq, ka thënë se Beogradi është i kënaqur me vëmendjen që janë duke iu dhënë Shtetet e Bashkuara të Amerikës.
Duke folur për takimin që ka pasur me presidentin Joe Biden, ai ka thënë se Kosova nuk e ka monopolin e marrëdhënieve me SHBA-në.
“Ka kaluar koha kur politikanë nga Prishtina dhe pjesë të tjera e kanë monopolin e marrëdhënieve të mira dhe Amerikën dhe Bashkimin Evropian”, është shprehur ai për Telegraf.rs.
“Sot Serbia ka diçka pozitive për të paraqitur para partnerëve të bashkësisë ndërkombëtare dhe jemi duke e përdorur këtë në maksimum. Rritja e Bruto Produktit Vendor, qëndrimi me përgjegjësi drejt qytetarëve të rajonit dhe përgjegjësia për paqe konstante e thonë më të mirën për ne”.