Milan ka gati përforcimin e parë për merkaton e janarit.
Skuadrat e mëdha europiane nuk shqetësohen vetëm për rezultatet e fushës, por edhe për merkaton e janarit.
Mes skuadrave më aktive është edhe Milani me drejtuesit që kanë piketuar përforcimin e parë për afatin dimëror.
Sulmi i Rosonerëve po shfaq probleme të shumta këtë sezon me Gimenez dhe Nkunku që nuk po përmbushin pritshmëritë.
Calciomercato, ka lëshuar një lajm të bujshëm duke raportuar se Milan synon transferimin e Mauro Icardit.
Sulmuesit argjentinas i skadon kontrata me Galatasaray në fund të sezonit dhe Rosonerët mund ta transferojnë në janar për një shifër modeste.
Icardi ka realizuar 121 gola në Serie A, gjatë kohës së tij te Sampdoria dhe Inter.