Viktor Gyokeres ka ndihmuar Sporting CP të sigurojë titullin e kampionit në Portugali për sezonin 2024/25, me një fitore 2-0 ndaj Vitoria SC në javën e fundit të kampionatit.
Sulmuesi suedez shënoi golin e tij të 53-të për këtë sezon, duke përmbyllur një vit spektakolar dhe duke udhëhequr ekipin drejt suksesit.
Pas ndeshjes, Gyokeres u pyet për të ardhmen e tij, pasi është lidhur prej kohësh me një transferim të mundshëm në Ligën Premier, veçanërisht te Arsenali.
“Klubi im i radhës? Nuk mund ta parashikojmë të ardhmen. Nuk e dimë kurrë çfarë do të ndodhë. Tani jam i fokusuar tek festa e titullit dhe finalja e Kupës së Portugalisë”, deklaroi Gyokeres.
Arsenali duket se është klubi më i interesuar për shërbimet e tij, me raportime që thonë se marrëveshja për kushtet personale është afër përfundimit.
Gyokeres është bërë një nga emrat më të nxehtë të merkatos së verës, falë formës së tij mbresëlënëse dhe efikasitetit para portës.
Sporting mund të përfitojë ndjeshëm financiarisht nga shitja e tij, pasi kërkesa për të në tregun evropian është rritur ndjeshëm pas këtij sezoni historik.
Gjiganti portugez synon që të fitojë rreth 80 milionë euro nga shitja e tij.