Kandidati për kryeministër nga radhët e PDK-së Bedri Hamza ka përsëritur se Partia Demokratike është e gatshme për zgjedhjet e reja.
“Kryetari i Partisë Demokratike të Kosovës e ka thanë qartë, ka propozuar edhe datë, ka propozuar muajin qershor si optimal për me shkua në zgjedhje, hajde”, ka thënë Hamza.
Ndërkaq Hamza i komentoi edhe deklaratat e kreut të AAK-së Ramush Haradinaj, ku Haradinaj tha se në qoftë se PDK-ja dëshiron shpërndarje të kuvendit, atëherë po i bie që janë në koalicion parazgjedhor me Lëvizjen Vetëvendosje.
“Kjo nuk qëndron, e din edhe Haradinaj mirëpo opsionet legale janë këto. PDK-ja ka kërkuar zgjedhje dhe ne jemi parti opozitare në kuvend, por nuk do të thotë që jemi të njëjta pasi kemi dallimet tona”, përfundoi Hamza.