Kryetari i PDK-së, Bedri Hamza ka thënë se partia e tij është e gatshme për zgjedhjet e jashtëzakonshme të 28 dhjetorit.
Përmes një postimi në Facebook, Hama tha se fitorja e PDK-së, do të jetë një fitore për Kosovën, transmeton Klankosova.tv.
“Qytetarë të dashur, data e zgjedhjeve është caktuar dhe tani është koha të shikojmë përpara. PDK është e gatshme, me ekip, me program dhe me vizion. Fitorja e PDK-së do të jetë fitore për Kosovën!”, ka shkruar i pari i PDK-së.
Ndryshe, zgjedhjet e parakohshme parlamentare u shpallën sot, pas takimit konsultativ mes presidentes Vjosa Osmani me liderët e partive politike.