Kandidatja e Lëvizjes Vetëvendosje për kryeparlamentare, Albulena Haxhiu, ka mbajtur sot një konferencë për media së bashku me nënkryetarin e partisë, Glauk Konjufca, një ditë pas aktgjykimit të Gjykatës Kushtetuese që sqaroi rrjedhën për seancën konstituive të Kuvendit të Kosovës.
Haxhiu ka thënë se aktgjykimi nuk ndalon votimin e fshehtë dhe ka kërkuar nga opozita që të reflektojë në këtë drejtim.
“E ftoj opozitën të reflektojnë pas aktgjykimit të Gjykatës Kushtetuese, që nuk e ndalon votimin e fshehtë. Po të ishte aty, do të shkruhej. Me rastin e votimit të fshehtë, nëse unë si kandidate nuk i marr 61 vota, tërhiqem nga kandidatura“, ka deklaruar Haxhiu.
Deklarata e saj poashtu vjen pak para mbajtjes së senacës së 38-të për konstituimin e Kuvendit të Kosovës, e cila pritet të filloj nga ora 11:00.