Deputeti i Lidhjes Demokratike të Kosovës, Avdullah Hoti, përmes në një postim në Facebook ka shkruar se Kosova po humb miq dhe aleatë për shkak të “politikës së mbrapshtë të binomit Kurti-Osmani”.
Sipas tij, Kosova sot është në pikën më të ulët të mbështetjes nga aleatët në tri dekada.
“Binomi Kurti-Osmani po e dërgon Kosovën drejt izolimit. Nga vendi me mbështetjen më të madhe amerikane në rajon, këta të paaftë e kthyen Kosovën në qendër të kritikave dhe fajësimit nga ana e aleatëve”, ka shkruar ai.
Sipas Hotit, pasojat po i bartim me përjashtimin e Kosovës nga ‘Defender 2023’.
“Pasojat tanimë po i bartim – Kosova është përjashtuar nga ‘Defender 2023’, që ishe ëndërr e ushtarëve të FKS-së. Cilat janë pasojat e radhës?”, ka shkruar Hoti.