Telenews

Hoti thotë se qeveria e dyfishoi fitimin e naftëtarëve, Muja thotë se fitimi i bizneseve në 2022 ka qenë rekord

Deputeti i Lidhjes Demokratike të Kosovës, Avdullah Hoti, gjatë seancës së sotme ka replikuar me deputetin e VV-së, Armend Muja, rreth reformave fiskale.

Hotia tha se sa i përket reformave fiskale të bëra në vitin 2015, ato kanë mundësuar rritjen e rangimit të Kosovës në indeksin e të bërit biznes për 40 vende.

Ai tutje tha se gjatë 1 viti e gjysmë qeverisje, të gjitha politikat fiskale të qeverisë reduktohen në 100 eurot e ndara, 6.8 euro ulje të tatimit në pagë dhe marzhën në naftë.

“Për këtë marzh, e keni dyfishuar fitimin e bizneseve të naftës sepse 4 për qind marzh kur nafta ka qenë 1 euro dhe tash kur nafta është 1.8 është gati dyfish”,është shprehur Hoti.

Ndërsa, deputeti i VV-së, Armend Muja, tha se ai është i gatshëm që bashkë me Hotin t’i shohin të gjithë zërat buxhetor dhe pastaj t’i masin ata, pasi sipas tij, ai ka të dhëna të tjera që flasin krejt ndryshe.

“Sa i përket rritjes së të hyrave, tatimi për të ardhurat e korporatave në 5 muajt e parë të këtij viti, bizneset na kanë raportuar 89 milionë euro tatim në fitim, krahasuar me vitin paraprak është dyfishim, ndërsa në krahasim me vitin 2019 ka qenë 22 milionë euro”.

“Dhe, nëse bizneset i raportojnë 89 milionë euro tatim në fitim, fitimi i bizneseve në 5 muajt e parë të vitit 2022 ka qenë rekord në 10 vitet e fundit”, është shprehur Muja.

Të ngajshme

PDK me tubim të madh në Drenas, Hamza: Drenasi do ta gëzojë vëmendjen që e meriton në qeverisjen time

Erzana Fazliu

Haradinaj merr mbështetje në Korishë, premton uljen e çmimit të energjisë elektrike

Erzana Fazliu

Villa Bellevue: Relaks dhe Luks afër liqenit të Batllavës

Erzana Fazliu