Geltian Shala, nxënës i klasës së 12 në gjimnazin “Remzi Ademaj” në Prizren ka humbur jetën në një aksident tragjik.
Lajmin e kanë bërë të ditur në rrjete sociale ky gjimnaz, ku ka thënë se shkolla ka pezulluar të gjitha aktivitetet në përkujtim të të ndjerit.
“Me pikëllim morëm lajmin për humbjen e jetës tragjikisht të nxënësit të shkollës sonë Geltian Shala, nxënës i klasës XII/1. Në shenjë nderimi, shkolla i pezullon aktivitetet kulturore -artistike, të parapara për gjatë këtyre ditëve. Gelti ishte edhe kryetar i Klubit Letrar të Shkollës. Drejtoria e shkollës i shpreh ngushëllime familjes, mësimdhënësve dhe nxënësve”, thuhet në njoftimin e shkollës.
Familjarët në njoftimin mortor kanë bërë të ditur se i ndjeri ka humbur jetën në një aksident tragjik.