Banori i cili hyri mbrëmë në spektaklin ‘Big Brother VIP 3’, është arrestuar nga forcat Operacionale të policisë së Tiranës pasi ishte dënuar me 2 vite e 6 muaj burg për mashtrim.
44 vjeçari, Liam Osmani në 2022-in u dënua nga gjykata e Tiranës me 2 vjet e 6 muaj burg për përvetësimin e 17 biletave turistike në Gjermani nëpërmjet mashtrimit, duke mos paguar për çmimet e tyre përkatëse.
“Strukturat e Forcës së Posaçme për Operacionet Speciale dhe Kërkimin bënë ndalimin e shtetasit Liam Osmani, 44 vjeç, teksa ai ndodhej në shtëpinë e Big Brother Albania Vip 3. Prokuroria e Tiranës, më datë 09.05.2022, ka dërguar urdhërin për ekzekutimin e vendimit penal të datës 23.02.2022, për dënimin e këtij shtetasi me 2 vjet e 6 muaj burgim për veprën penale “Mashtrimi”.
Materialet i kaluan Prokurorisë pranë Gjykatës Shkallës së Parë të Juridiksionit të Përgjithshëm Tiranë, për veprime të mëtejshme procedurale.
