Këngëtari Arkimed Lushaj, i njohur me emrin e artit si Stresi, ka paralajmëruar shokun dhe kolegun e tij, Kleviol Ahmeti, që njihet me nofkën Cllevio, se dikush ka paguar mijëra euro për ta eliminuar.
Sipas Stresit, porosia është dhënë nga “çunat e Dubait” dhe kapari është pranuar nga një shkodran, për të cilin Stresi thotë se po e mori një porosi, e ke të kryer.
“100 mijë euro e kanë marr kaparin, dhe kur të jenë me Clevion në makinë kanë për ta shkrirë. Dëgjoi vëllain. O Fire mos u kap me çunat e Dubait, se të fikin, në ajër ta rrëzojnë avionin, unë i di muhabetet, një shkodran e ka marrë kaparin. Po të mori një shkodran kaparin të kryen punë ai fratelo. Clevio ishalla del dhe ikën me vrap. Unë në Tiranë çfarë nuk marr vesh dhe e kemi dëgjuar muhabet të sigurit, e ka marrë një shkodran flitet, po qenka shumë i rrezikshëm o vëlla, me nder familjeje”, shprehet Stresi.
Paralajmërimin për kolegun e tij reperi e ka dhënë gjatë një bisede në një video “live” në rrjetin social “TikTok”, ku ndër të tjera i ka bërë thirrje Clevios që pasi të dali nga burgu iu Fierit, të hipi në një avion privat dhe të largohet.
“Unë nuk ia dua të keqen, Clevio ishalla shpëton, kam patur shoqëri të gjatë me atë, nuk dua t’ja shoh vdekjen. Se ai e di që më sheh.E di që po më dëgjon nga burgu i Fierit, po ta jap informacionin i pari: kur të dalësh nga burgu i Fierit hipi avionit privat, po të paralajmëroi se kemi patur shoqëri për 20 vite, me vjen keq për atë. Kleviol kur të dalësh hipi avionit, kaq kisha për të thënë, se s’kanë për t’i gjetë as kockat”, është shprehur Stresi.
Kujtojmë se reperi Kleviol Ahmeti u ekstradua pak muaj më parë nga Dubai, pasi gjykata ka dhënë për të disa masa sigurie në “Arrest me burg”.