Pas skandalit të grurit dhe vajit në rezervën shtetërore, ministres së Industrisë, Ndërmarrësisë dhe Tregtisë Rozeta Hajdari, i ka ndodhur edhe një tjetër skandal.
Në mëngjesin e së dielës, në banesën e saj depërtuan hajnat të cilën vodhën gjëra goxha me vlerë.
Rasti u konfirmua edhe nga policia përmes raportit 24 orësh, por pa detaje të mëtejme.
Sipas organeve të rendit rasti është iniciuar si “Vjedhje e rëndë”.
“Ankuesja femër kosovare ka informuar se persona të panjohur kanë depërtuar në banesën e saj dhe nga aty kanë kryer vjedhje. Lidhur me rastin janë ndërmarrë të gjitha veprimet e nevojshme për procedura të mëtejme hetimore”, thuhet në raport.
Por, sipas raportimeve të gazetës Sinjali, Hajdarit iu vodhën 2 mijë e 500 euro dhe gjëra të tjera me vlerë, si dokumente personale dhe kartela bankare përfshirë edhe ato të MINT-it.
Rasti në fjalë tashmë është hapur në prokurori, por deri më tani nuk ka raportime për persona të arrestuar.
Telenews.al do t’ju mbajë të informuar lidhur me rastin.