Vëllai i gruas që u vra në Ferizaj është i mitur dhe është jashtë rrezikut për jetë.
Kështu ka konfirmuar për Portalin Dukagjini, ushtruesi i detyrës së drejtorit të Spitalit të Ferizajt, Fikret Arifi.
“Në spital ka ardhë vëllai i së ndjerës. I është dhënë ndihma e parë, është jashtë rrezikut për jetë se plumbi në parakrahun e djathtë, në dorë domethënë. I është larguar plumbi, i është mobilizuar dora. Po planifikohet dërgimi i tij në Repartin e Ortopedisë në Ferizaj”, ka thënë Arifi.
Ndërkaq, sipas tij, gruaja ka qenë pa shenja jete në vendin e ngjarjes dhe nuk është dërguar fare në spital.
Sipas Arifit, viktima, pasi është marrë nga ekipi i Qendrës së Mjekësisë Familjare, është dërguar në Institutin e Mjekësisë Ligjore për Obduksion.