Interi po bëhet gjithnjë e më i prirur të hyjë në afatin kalimtar të verës për të afruar të paktën një qendërmbrojtës të ri, pasi si Francesco Acerbi ashtu edhe Stefan De Vrij kanë kontrata që skadojnë vitin e ardhshëm dhe po i afrohen fundit të ciklit të tyre në Lombardi.
Presidenti i klubit, Beppe Marotta, së bashku me drejtuesit e tjerë, kanë nisur tashmë vlerësimin e alternativave të mundshme dhe sipas Sportal, një nga emrat që është rikthyer në listë është ai i Eric Garcia-s së Barcelonës.
Mbrojtësi spanjoll, i cili është lidhur me Interin edhe në sesione të mëparshme të afatit kalimtar, po i afrohet fundit të kontratës së tij me ‘Camp Nou’.
Ndërsa Garcia ka zhvilluar bisedimet e para me Barcelonën për një rinovim të mundshëm, palët ende nuk kanë arritur asnjë marrëveshje, duke e lënë të ardhmen e tij plotësisht të hapur teksa sezoni hyn në fazën vendimtare.
Interi po e ndjek situatën me shumë kujdes, duke e parë Garcian si një profil që mund të integrohet natyrshëm në sistemin e Cristian Chivut, nëse lojtari bëhet i disponueshëm me kushte të favorshme.
Me Acerbi dhe De Vrij që pritet të largohen në fund të kontratave të tyre, zikaltrit janë tashmë të fokusuar në afrimin e përforcimeve për repartin defensiv.