Telenews

ISH-DREJTORI I BKT-SË ARRESTOHET SEPSE I MUNDËSOI NJË QYTETARIT TËRHEQJE TË KËSAJ SHUME TË PARAVE

Ish-drejtori i degës së Bankës Kombëtare Tregtare, I.A., është ndaluar për 48 orë, nën dyshimin për veprat penale “Keqpërdorimi i besimit” dhe “Mashtrimi”, sipas Prokurorisë Themelore në Ferizaj.
Ai ia ka mundësuar tërheqjen e 95 mijë eurove nga llogaria bankare e një qytetari.
“Prokuroria Themelore në Ferizaj, njofton opinionin publik se, me vendim të Prokurorit të Shtetit, ka ndaluar në kohëzgjatje prej 48 orësh, dy persona të dyshuar me inicialet I.A. – ish-drejtor i degës se BKT-së në Pejton – Prishtinë dhe Sh.B., – punëtor i autotaksit “Bini”- Gjilan, nën dyshimin për veprat penale “Keqpërdorimi i besimit” dhe “Mashtrimi” të Kodit Penal të Republikës së Kosovës”.
“Dyshohet se ish-drejtori i BKT-së, me inicialet I.A., ia ka mundësuar tërheqjen e parave të dyshuarit tjetër, me inicialet Sh.B., nga llogaria bankare e një qytetari, me ç’rast është bërë tërheqja e shumës në vlerë prej 95 mijë eurove në degën e Bankës Kombëtare Tregtare (BKT) në Ferizaj,” thuhet në njoftimin e Prokurorisë.

Të ngajshme

Kurti: Serbia ende i sheh si shtete të përkohshme Kosovën, Malin e Zi e Bosnjën

Donat Hashani

Termokosi fillon zgjerimin e rrjetit të ngrohjes në afërsi të Parkut të Qytetit

Miftar Zejnullahu

Një person nga Shqipëria futet në telashe me policinë e Kosovës

Miftar Zejnullahu